و اشنگٹن ....امریکی ماہرین صحت کا کہنا ہے کہ مصنوعی مٹھاس والے مشروبات دماغ پر منفی اثرات کرسکتے ہیں۔ بوسٹن یونیورسٹی میں نیورولوجی کے ماہرین کا کہنا ہے ہماری تحقیق کے بعد یہ بات سامنے آئی ہے کہ روزانہ سافٹ ڈرنک، فروٹ جوس اور مصنوعی مٹھاس والے شربت کا استعمال پورے دماغی حجم میں کمی اور یادداشت متاثر کرنے کی وجہ بن سکتا ہے ۔ ماہرین کے مطابق مصنوعی مٹھاس والے مشروبات دل کی کارکردگی اور افعال کو بھی متاثر کرسکتے ہیں اور دماغی شریانی نظام پر بھی برے اثرات مرتب کرسکتے ہیں ۔
