صدر رجب طیب اردغان کا سعودی امدادی ٹیم کے مرکز کا دورہ

ترکیہ کے صدر رجب طیب اردغان نے انطاکیہ میں سعودی امدادی ٹیم کے مرکز کا دورہ کیا ہے۔

سعودی پریس ایجنسی کے مطابق ترک صدر نے زلزلہ زدگان کی مدد پر سعودی ٹیم کی کارکردگی کو سراہا ہے۔

انہوں نے کہا ہے کہ ’ہم خادم حرمین شریفین شاہ سلمان بن عبد العزیز اور ولی عہد شہزادہ محمد بن سلمان کے تہہ دل سے مشکور ہیں۔‘

’سعودی قیادت نے مشکل کی اس گھڑی میں ترکیہ کے ساتھ کھڑے ہو کر سچی اخوت کا اظہار کیا ہے۔‘