آج سے پیر تک بیشتر علاقوں میں سردی کی لہر ہوگی

ماہر موسمیات عبد العزیز الحصینی نے کہا ہے کہ آج جمعرات سے پیر تک ملک کے بیشتر علاقوں میں سردی کی شدید لہر ہوگی۔

سبق ویب سائٹ کے مطابق انہوں نے کہا ہے کہ ’سردی کی لہر کا عروج جمعہ اور ہفتہ ہوگا‘۔

انہوں نے کہا ہے کہ ’شمالی اور وسطی علاقوں میں درجہ حرات منفی تک گر جائے گا‘۔

’مشرقی ریجن اور مدینہ منورہ میں 3 سینٹی گریڈ، مکہ مکرمہ میں 15 اور جازان میں 22 سینٹی گریڈ ہوگا‘۔

دریں اثنا محکمہ موسمیات نے کہا ہے کہ ’تبوک میں تیز ہوا کے باعث مطلع غبار آلود ہے جبکہ سمندر میں اونچی موجیں اٹھ رہی ہیں‘۔

’اسی طرح قصیم ریجن کے تمام علاقوں میں صبح کے وقت دھند ہے جس کے باعث حد نگاہ متاثر ہے‘۔

محکمے نے کہا ہے کہ ’مدینہ منورہ ریجن کے متعدد علاقوں میں آج بھی گرد وغبار ہے جبکہ ینبع میں تیز ہوا چلے گی‘۔