مصیبت کی گھڑی میں ترکیہ کے ساتھ ہیں: سعودی عرب

سعودی وزارت خارجہ نے ترکیہ میں ہونے والے ہولناک زلزلے پر افسوس کا اظہار کیا ہے۔

سعودی پریس ایجنسی کے مطابق  سعودی عرب نے مصیبت کی اس گھڑی میں ترکیہ کے ساتھ یکجہتی کا اظہار کیا ہے۔

وزارت خارجہ نے کہا ہے کہ ’زلزلے کے باعث ترکیہ اور شام میں ہونے والی ہلاکتوں پر انتہائی افسوس ہوا ہے‘۔

’ہم ہلاک شدگان کے لواحقین سے اظہار تعزیت اور زخمیوں کے لیے شفایابی کی امید رکھتے ہیں‘۔