الاحسا میں دکان میں لگنے والی آگ پر قابو پالیا گیا

محکمہ شہری دفاع الاحسا نے کہا ہے کہ مرکزی مارکیٹ میں واقع دکان میں لگنے والی آگ پر قابو پالیا گیا ہے۔

سبق ویب سائٹ کے مطابق شہری دفاع نے کہا ہے کہ ’آتشزدگی کے باعث کوئی جانی نقصان نہیں ہوا‘۔

محکمے نے کہا ہے کہ ’الہفوف محلے کی مرکزی مارکیٹ میں لگنے والی آگ کو محدود کردیا گیا تھا ورنہ اس بات کا امکان موجود تھا کہ آگ دوسری دکانوں تک پھیل جاتی‘۔

شہری دفاع نے کہا ہے کہ ’مذکورہ دکان میں آگ شارٹ سرکٹ کی وجہ سے لگی ہے‘۔

’ابتدائی تفتیش سے معلوم ہوا ہے کہ دکان میں آگ بجھانے کا انتظام نہیں تھا نہ ہی سلامتی کے اصولوں پر عمل کیا جاتا تھا‘۔