پتایا،تھائی لینڈ .....تھائی لینڈ کے اس مشہور جزیرے پر اسکائی ڈائیونگ کرنے والے ایک برطانوی مہم جو اس وقت موت سے دوچار ہوا جب وہ ڈیم نما آبی ذخیرے نونگ کھو میں جاگرا اور گرتے ہی اس کی موت واقع ہوگئی۔ اب تک یہ معلوم نہیں ہوسکا کہ پانی میں گرنے کے بعد اسکی موت واقع ہوئی یا غوطہ لگانے سے قبل ہی اس پر دل کا دورہ پڑ چکا تھا۔ ماہرین کا کہناہے کہ وہ شاید پتایا کے ساحل پر اترنا چاہتا تھا مگر کسی وجہ سے وہ پانی کی طرف نکل گیاا ور وہیں گر کر ہلاک ہوا۔ 69سالہ اسکائی ڈائیور ڈربن شائر کا رہنے والا ہے۔ اس علاقے میں ایک برطانوی فرم مہم جو افراد کو اسکائی ڈائیونگ کی سہولت فراہم کرتی ہے۔ اب تک یہ بھی معلوم نہیں ہوسکا کہ پانی میں گرتے وقت اسکا پیراشوٹ کھلا تھا یا نہیں۔ ایسے حادثات اس علاقے میں کم ہوتے ہیں مگر اسکی تشہیر برائے نام ہوتی ہے۔
