سیلابی ریلے میں پھنسے دو شہریوں کو ہیلی کاپٹر سے ریسکیو کر لیا گیا

سعودی عرب میں محکمہ امن عامہ نے مدینہ منورہ کی ایک وادی  میں سیلاب میں پھنسے ہوئے دو شہریوں کو ہیلی کاپٹر سے بحفاظت ریسکیو کیا ہے۔

المرصد ویب سائٹ کے مطابق محکمہ امن عامہ نے امدادی کارروائی کی وڈیو کلپ سوشل میڈیا پر شیئر کی ہے جس میں دیکھا جاسکتا ہے کہ دو افراد موسلا دھار بارش سے آنے والے سیلابی ریلے میں پھنسے ہوئے ہیں اور پانی ان کے چاروں جانب تیزی سے بہہ رہا ہے۔

ہیلی کاپٹر نے سیلابی ریلے میں پھنسے ان دونوں افراد کو وہاں سے نکالا اور محفوظ مقام تک پہنچا دیا۔

امدادی ٹیم رسے کی مدد سے سیلابی ریلے میں پھنسے شہریوں کو نکالنے میں کامیاب رہی۔