الافلاج کمشنری کے مکان میں آتشزدگی، قیمتی سامان جل گیا

سعودی عرب کی الافلاج کمشنری میں ایک مکان میں آتشزدگی سے قیمتی سامان جل گیا۔

سبق ویب سائٹ کے مطابق محکمہ شہری دفاع کی ٹیموں نے الافلاج کمشنری کی النایفیہ تحصیل میں سعودی شہری کے گھر میں لگنے والی آگ پر قابو پالیا۔ آگ کو قریبی گھروں تک پھیلنے سے روک دیا۔

الافلاج میں سپیشل فورس کے ڈائریکٹر ڈاکٹر عبدالھادی العرجانی نے کہا کہ آگ لگنے سے کوئی جانی نقصان نہیں ہوا۔

الافلاج کے کمشنر ڈاکٹر احمد العلم نے ٹیلیفون پر متاثرہ مقامی شہری کے خاندان کی خیریت دریافت کی اور ہر ضروری تعاون کا یقین دلایا۔ 

ابتدائی اطلاعات میں بتایا گیا ہے کہ گھر میں شارٹ سرکٹ کی وجہ سے آگ لگی تھی۔