فائنل میچ دیکھنے کے لیے سعودی ہاؤس میں شائقین کی ریکارڈ حاضری

دوحہ میں قائم سعودی ہاؤس کی انتظامیہ نے فیفا ورلڈ کے فائنل میچ کے لیے شاندار انتظام کر رکھا تھا جہاں بڑی تعداد میں شائقین نے حصہ لیا ہے۔

سبق ویب سائٹ کے مطابق سعودی ہاؤس میں میچ دیکھنے والوں کی ریکارڈ تعداد تھی۔

انتظامیہ نے کہا ہے کہ ’فائنل میچ دیکھنے کے لیے سعودی ہاؤس میں آنے والوں کا بہترین طریقے سے خیر مقدم کیا گیا ہے‘۔

انتظامیہ نے کہا ہے کہ ’شائقین نے پر جوش ماحول میں فائنل میچ  دیکھا اور ارجنٹائن کی فتح پر جشن منایا‘۔

انتظامیہ نے کہا ہے کہ ’سعودی ہاؤس میں کم وبیش ایک ماہ تک فٹبال شائقین کو سعودی تہذیب وثقافت اور سیر سیاحت کے علاوہ پیش کی جانے والی خدمات سے آگاہ کیا گیا ہے‘۔