ریاض میں کنگ عبدالعزیز اونٹ میلہ آج شروع ہوگا

ریاض کے قریب الصیاہد میدان میں کنگ عبد العزیز اونٹ میلہ سجنے والا ہے۔

سبق ویب سائٹ کے مطابق ملک کے سب سے بڑے اونٹ میلے کا آغاز آج منگل سے ہو گا جس میں سب سے زیادہ شرکا کے علاوہ سب سے بھاری انعامات کا اعلان کیا گیا ہے۔

انتظامیہ نے کہا ہے کہ ’مختلف نسلوں کے اونٹوں کے درمیان 75 راؤنڈ پر مشتمل مقابلہ ہو گا۔‘

’میلہ مجموعی طور پر 45 دن تک جاری رہے گا جس میں دوڑ کے علاوہ نیلامی بھی ہو گی۔‘

انتظامیہ نے کہا ہے کہ ’خواتین کے لیے بھی الگ انتظام کیا گیا ہے جس میں اونٹ کے مالک خواتین اس میں حصہ لے سکتی ہیں۔‘