بریدہ سبزی منڈی میں زمین دھنسنے سے دکانوں کی چھتیں اور دیواریں گرگئیں 

سعودی عرب کے شہربریدہ میں جمعے کو سبزی منڈی میں زمین دھنسنے سے دکانوں کی چھتیں اور دیواریں گر گئیں۔ پورے علاقے میں خوف و ہراس پھیل گیا۔

عاجل ویب سائٹ کے مطابق محکمہ شہری دفاع نے حادثے کی اطلاع ملتے ہی سبزی منڈی کو خالی کرالیا اور امدادی کارروائیاں کیں۔ 

شہری دفاع کا کہنا ہے کہ’ زمین دھنسنے اور دکانوں کی چھتیں اور دیواریں گرنے سے کوئی جانی نقصان نہیں ہوا۔‘

قصیم ریجن میں شہری دفاع کے ترجمان نے زمین دھنسنے کے اسباب کے حوالے سے کوئی سرکاری بیان جاری نہیں کیا ہے۔