شہزادہ فیصل بن فرحان سے جنوبی افریقی وزیر کی ملاقات
اتوار 16 اکتوبر 2022 21:24
دونوں دوست ملکوں کے درمیان دوطرفہ تعلقات پر تبادلہ خیال کیا گیا( فوٹو ایس پی اے)
سعودی وزیر خارجہ شہزادہ فیصل بن فرحان نے اتوار کو جنوبی افریقہ کی بین الاقوامی تعلقات اور تعاون وزیر ڈاکٹر گریس نالیدی کا خیر مقدم کیا ہے۔
سرکاری خبر رساں ایجنسی ایس پی اے کے مطابق ملاقات کے دوران دونوں دوست ملکوں کے درمیان دوطرفہ تعلقات پر تبادلہ خیال کیا گیا۔
اس موقع پر جنوبی افریقہ میں سعودی سفیر بھی موجود تھے(فوٹو ایس پی اے)
مشترکہ تعاون کے امکانات کے علاوہ خطے میں ہونے والی پیش رفت، مشترکہ دلچسپی کے متعدد علاقائی اور بین الاقوامی امور پربھی بات چیت کی گئی۔
اس موقع پر جنوبی افریقہ میں سعودی سفیر سلطان اللویحان العنقری بھی موجود تھے۔
