Sorry, you need to enable JavaScript to visit this website.
بدھ ، 11 جون ، 2025 | Wednesday , June   11, 2025
بدھ ، 11 جون ، 2025 | Wednesday , June   11, 2025

مختلف جرائم میں ملوث 16 شہری اور غیر ملکی زیر حراست

 تمام ملزمان کو ادارہ پراسیکیوشن کی تحویل میں دیا گیا ہے( فائل فوٹوعاجل)
عاجل نیوز کے مطابق ادارہ امن عامہ کے ٹوئٹرپر بیان میں کہا گیا ہے کہ ’سیکیورٹی اہلکاروں نے ایک شہری کو گرفتارکیا جس کے قبضے سے 890 ممنوعہ ادویات برآمد ہوئیں۔ ملزم نے ممنوعہ اداویات اپنی گاڑی کے خفیہ خانوں میں چھپائی ہوئی تھیں‘۔ 
’ جعلی کرنسی کے الزام میں چار سعودیوں کو گرفتار کرکے ان کے قبضے سے مسروقہ گاڑی اور 3 لاکھ 89 ہزار 500 جعلی نوٹ برآمد کیے ۔ ملزمان جعلی نوٹوں سے اشیا خرید کرانہیں اصل نرخوں سے کم قیمت پرفروخت کردیا کرتے تھے‘۔ 
بیان میں کہا گیا کہ ’غیرقانونی طورپر’حجامہ ‘ کرنے کےالزام میں ایک اردنی باشندے کو حراست میں لیا گیا۔ ملزم کے پاس حجامہ کرنے کا سرٹیفکیٹ نہیں تھا‘۔ 
اجتماعی لڑائی کی وائرل ہونے والی وڈیو کے ذریعے 10 بنگلہ دیشیوں کو حراست میں لیا گیا۔
 تمام ملزمان کو ادارہ پراسیکیوشن کی تحویل میں دیا گیا ہے جہاں ان سے مزید تفتیش جاری ہے۔  

شیئر: