Sorry, you need to enable JavaScript to visit this website.
منگل ، 10 جون ، 2025 | Tuesday , June   10, 2025
منگل ، 10 جون ، 2025 | Tuesday , June   10, 2025

کویتی پارلیمنٹ کا پہلا اجلاس 18 اکتوبر تک ملتوی

مقامی میڈیا کا کہنا ہے کہ سابقہ کابینہ کے وزرا مستعفی ہوچکے ہیں(فائل فوٹو اے ایف پی)
کویت نے انتخابات کے بعد ہونے والا پارلیمنٹ کا پہلا اجلاس 18 اکتوبرتک ملتوی کردیا ہے۔
سرکاری خبر رساں ایجنسی کونا کے مطابق کویتی سینٹر فار گورنمنٹ کیمونیکیشن کے سربراہ اورحکومتی ترجمان طارق المرزم نے سنیچر کو ایک بیان میں کہا کہ ’قانون ساز اسمبلی کی 17 ویں قانون سازی مدت کا پہلا باقاعدہ اجلاس 18 اکتوبر تک ملتوی کردیا گیا ہے‘۔
بیان میں کہا گیا کہ’ یہ اقدام آئین کے آرٹیکل 106 کے تحت کیا گیا ہے‘۔
امیر کویت شیخ نواف الاحمد الصباح نے شیخ احمد نواف الاحمد الصباح کو وزیراعظم مقرر کرکے نئی کابینہ کی تشکیل کا فرمان جاری کیا تھا۔
پارلیمنٹ کے 40 سے زیادہ ارکان کے اعتراض کے باعث حکومت آئینی حلف نہیں اٹھا سکی ہے۔
مقامی میڈیا کا کہنا ہے کہ سابقہ کابینہ کے وزرا مستعفی ہوچکے ہیں۔

 

شیئر: