جنوبی سرحد پر مامور سپاہیوں کے لیے زمزم کے قافلے روانہ

حرمین شریفین انتظامیہ نے جنوبی سرحد پر مامور سپاہیوں کے لیے زمزم کے قافلے روانہ کیے ہیں۔

سبق ویب سائٹ کے مطابق سرحدوں کے محافظوں کی خدمات کے اعتراف میں انہیں زمزم روانہ کیا گیا ہے۔

انتظامیہ کے سربراہ شیخ ڈاکٹر عبد الرحمن السدیس نے کہا ہے کہ ’جنوبی سرحد پر ڈیوٹی دینے والے سپاہی عظیم سرمایہ ہیں‘۔

انہوں نے کہا ہے کہ ’وطن کی حفاظت میں ان سپاہیوں کی خدمات ہمیشہ یاد رکھی جائیں گی‘۔

شیخ سدیس نے ملک کی سرحد کی حفاظت پر مامور سپاہیوں کی نصرت و غیبی مدد کی دعا کی ہے۔