اداکارہ ریشم نے نہر میں مچھلیوں کے لیے کھانے کے ساتھ پلاسٹک پھیکنے پر معذرت کر لی ہے۔ ریشم نے اپنے فیس بک پیج پر ایک ویڈیو شیئر کی تھی جس میں وہ اپنی گاڑی کے قریب کھڑے ہو کر نہر میں کھانا ڈالتے ہوئے نمایاں ہیں۔ اس دوران وہ ایک سے زائد پلاسٹک بیگز بھی ساتھ ہی پھینکتے ہوئے دیکھی جا سکتی ہیں۔ریشم کی ویڈیو سوشل ٹائم لائنز پر شیئر ہوئی تو متعدد صارفین نے جہاں انہیں ’آبی جانوروں کو کھانا کھلانے‘ پر سراہا وہیں کئی نے پلاسٹک تھیلوں کے معاملے میں ’غفلت برتنے‘ پر تنقید کا نشانہ بھی بنایا تھا۔
