سعودی عرب میں سونے کی قیمت گرنے لگی

سعودی گولڈ مارکیٹ میں کئی روز تک سونے کے نرخوں میں اضافے کے بعد جمعرات کو قیمت کم ہوگئی۔ قیمتیں گرنے کا عمل شروع ہوگیا۔

عاجل ویب سائٹ کے مطابق 21 قیراط ایک گرام سونے کی قیمت  185.88 ریال ریکارڈ کی گئی۔ ایک روز قبل اس کی قیمت 187.25 ریال تھی۔

24 قیراط ایک گرام سونا 212.44 ریال، 22 قیراط ایک گرام سونا  194.73 ریال اور 18 قیراط ایک گرام سونے کی قیمت 159.33 ریال رہی۔

اکیس قیراط کی 8 گرام والی گنی کی قیمت 1784.47 ریال رہی جبکہ اس حوالے سے 22 قیراط والی گنی کی قیمت  1869.44 ریال اور 24 قیراط والی مذکورہ مقدار کی گنی  2039.39 ریال میں دستیاب رہی۔

واٹس ایپ پر سعودی عرب کی خبروں کے لیے ”اردو نیوز“ گروپ جوائن کریں