طائف میونسپلٹی کے تفتیشی دورے، کئی دکانیں بند

طائف میونسپلٹی نے گزشتہ دنوں شہر کی مارکیٹوں اور دکانوں کے تفتیشی دورے کئے جن میں متعدد خلاف ورزیوں پر کئی دکانیں سربمہر کردی گئی ہیں۔

سبق ویب سائٹ کے مطابق تفتیشی کارروائیاں طائف شہر کے شمالی علاقے میں کی گئیں۔

بلدیہ نے کہا ہے کہ ’تفتیشی دورے کے دوران بلدیہ ضوابط کے علاوہ صحت کے معیارات کا بھی جائزہ لیا گیا ہے‘۔

’جن دکانوں میں معمولی نوعیت کی خلاف ورزیاں ریکارڈ کی گئیں ان میں سے بعض کو جرمانے اور بعض کو نوٹس جاری کئے گئے‘۔

’جبکہ جہاں سنگین نوعیت کی خلاف ورزیاں دیکھی گئیں وہاں فوری کارروائی کرتے ہوئے دکان بند کردی گئی‘۔