فلپائن جانے والوں کے  لیے توکلنا ویکسین سرٹیفکیٹ قابل قبول 

فلپائن میں سعودی سفارتخانے نے کہا ہے کہ’ فلپائن کے متعلقہ حکام نے سعودی ایپ ’توکلنا‘ میں دستیاب ڈیجیٹل ویکسین سرٹیفکیٹ کو قابل قبول قرار دیا ہے‘۔ 

العربیہ نیٹ کے مطابق  سعودی سفارتخانے نے بیان میں کہا کہ’ توکلنا ایپ میں ڈیجیٹل ویکسین سرٹیفکیٹ اسی صورت میں قابل قبول ہوگا جب سعودی شہری کورونا ویکسین کی دو خوراکوں کے بعد بوسٹر ڈوز بھی لے چکے ہوں گے‘۔ 

سفارتخانےکا کہنا ہے کہ’ فلپائنی حکام نےیہ سہولت ملک میں متعدی امراض کے منتظم اداروں کی مشترکہ ورکنگ ٹیم کے فیصلے کے بعد دی ہے‘۔