ریاض کے ورکشاپ میں آگ لگ گئی، کئی گاڑیوں کو نقصان

سعودی دارالحکومت ریاض کے السعادہ ڈسٹرکٹ میں سنیچر کو ایک ورکشاپ میں آگ لگنے سے کئی گاڑیوں کو نقصان پہنچا ہے۔

عاجل ویب کے مطابق سعودی سول ڈیفینس نے ٹوئٹر پر بیان میں کہا کہ ’ریاض کے علاقے السعادہ میں ورکشاپ میں لگی آگ پر قابو پا لیا گیا ہے‘۔

آگ لگنے سے 6 گاڑیوں کو نقصان پہنچا ہے تاہم کوئی جانی نقصان نہیں پہنچا۔

سول ڈیفینس نے اپنے ٹوئٹر اکاونٹ پر آگ بجھانے کی کارروائی کی تصاویرشیئر کی ہیں۔