سعودی خواتین فٹبال ٹیم کو پیلے کی طرف سے مبارکباد

لیجنڈ فٹبالر پیلے نے سعودی فٹبال فیڈریشن کو خواتین کی قومی ٹیم  کے پہلے بین الاقوامی میچ کے تجربے پر مبارکباد پیش کی ہے۔

سبق ویب سائٹ کے مطابق انہوں نے کہا ہے کہ ’سعودی خواتین ٹیم کا پہلا برادرانہ میچ ہوا، یہ تاریخی دن ہے۔‘

ٹوئٹر پر اپنے آفیشل اکاؤنٹ پرپیلے نے کہا ہے کہ ’سعودی خواتین ٹیم کا پہلا میچ صرف سعودی شہریوں کے لیے اہمیت کا حامل نہیں بلکہ ان سب کے لیے نہایت اہم ہے جو فٹبال کو پسند کرتے ہیں۔‘

واضح رہے کہ سعودی فٹبال لیگ نے قبل ازیں قومی خواتین ٹیم کا اعلان کیا تھا جس کا مالدیپ میں پہلا میچ  سیشلز کی قومی ٹیم کے ساتھ ہوا۔