عرب اتحاد کے حوثیوں کے ٹھکانوں پر 16 ٹارگٹڈ آپریشن

عرب اتحاد برائے یمن نے پچھلے چوبیس گھنٹے کے دوران صعدہ اور حجہ میں حوثیوں کے ٹھکانوں پر 16 ٹارگٹڈ آپریشن کیے ہیں۔

سرکاری خبر رساں ایجنسی ایس پی اے کے مطابق عرب اتحاد نے بیان میں کہا کہ’ ٹارگٹڈ آپریشن کے دوران 13 فوجی گاڑیاں تباہ جبکہ حوثیوں کی ہلاکتیں بھی ہوئی ہیں۔

یاد رہے کہ عرب اتحاد برائے یمن  کی جانب سے مارب اور اس کے قریب حوثی ملیشیا کے اہداف کو روزانہ نشانہ بنایا جا رہا ہے۔