تبوک میں غیرملکی نرس نے خودکشی کرلی 

سعودی عرب کے شہر تبوک میں غیرملکی نرس نے ہسپتال کی عمارت کی چھت سے چھلانگ لگا کر خودکشی کرلی۔

غیرملکی نرس کا تعلق افریقی ملک سے بتایا جاتا ہے۔ 

اخبار24 کےمطابق افریقی نرس ہسپتال کے زچہ بچہ سیکشن میں تعینات تھی اور اس کی رہائش ہسپتال کے کیمپس ہی میں تھی۔ چھت پر چڑھ کر چھلانگ لگادی۔ 

ہسپتال ذرائع کا کہنا ہے کہ نرس کی نعش پوسٹ مارٹم کے لیے بھیج دی گئی۔ پولیس کو واقعے کی اطلاع دی گئی۔ سیکیورٹی کے  دیگر اداروں کو بھی اس حوالے سے آگاہ کردیا گیا۔