غیر قانونی طریقے سے ترسیلات زر پر 5 افراد گرفتار
’گرفتار شدگان 6 لاکھ 66 ہزار300 ریال بیرون ملک بھیجنے کی کوشش کر رہے تھے‘ (فوٹو: سبق)
دمام پولیس نے غیر قانونی طریقے سے ترسیلات زر کرنے کی کوشش کرنے والے 5 افراد کو گرفتار کیا ہے۔
سعودی پریس ایجنسی کے مطابق گرفتار شدگان 6 لاکھ 66 ہزار300 ریال بیرون ملک بھیجنے کی کوشش کر رہے تھے۔
مشرقی ریجن پولیس نے کہا ہے کہ ’گرفتار شدگان میں بنگلہ دیشی اور انڈین تارکین کے علاوہ ایک سعودی شہری ہے‘۔
’غیر ملکیوں نے نامعلوم ذرائع سے رقوم جمع کی ہیں جبکہ شہری نے انہیں رقم بیرون ملک بھیجنے کے لیے اپنا اکاؤنٹ استعمال کرنے کی سہولت فراہم کی ہے‘۔
پولیس نے کہا ہے کہ ’گرفتار شدگان سے تفتیش جاری ہے جبکہ بہت جلد انہیں پبلک پراسیکیوشن کے حوالے کیا جائے گا‘۔
مکہ میں صحت خدمات فراہم کرنے والے 250 سعودی رضا کاروں کی کہانیNode ID: 642976
