ریاض کے تجارتی مرکز میں اجتماعی جھگڑے کی وڈیو وائرل، 9 غیر ملکی گرفتار 

سعودی عرب ریاض پولیس نے دارالحکومت کے ایک تجارتی مرکز میں اجتماعی جھگڑا کرنے والے 9 مقیم غیرملکیوں کو گرفتارکیا ہے۔

سرکاری خبر رساں ایجنسی ایس پی اے کے مطابق پولیس کے ترجمان نے کہا کہ ریاض کے ایک تجارتی مرکز میں اجتماعی جھگڑے کی وڈیو وائرل تھی۔ پولیس نے جھگڑا کرنے والوں کو نشاندہی کرکے حراست میں لے لیا۔ 

پولیس ترجمان نے بتایا کہ جھگڑا کرنے والوں میں 7 کا تعلق مصر اور دو کا سوڈان سے ہے۔ سب کو قانونی کارروائی کے بعد پبلک پراسیکیوشن کے حوالے کردیا گیا۔