Sorry, you need to enable JavaScript to visit this website.
منگل ، 10 جون ، 2025 | Tuesday , June   10, 2025
منگل ، 10 جون ، 2025 | Tuesday , June   10, 2025

غیر قانونی خواتین کو ٹرانسپورٹ فراہم کرنے پر دو تارکین گرفتار

’احد المسارحہ پولیس نے ایک مشکوک گاڑی کو روکا تھا اور اس میں سوار افراد کی تفتیش کی تھی‘ (فوٹو: ٹوئٹر)
جازان پولیس نے تین درانداز یمنی خواتین کو ٹرانسپورٹ کی سہولت فراہم کرنے پر پاکستانی اور یمنی تارک کو گرفتار کیا ہے۔
سعودی پریس ایجنسی کے مطابق جازان ریجن پولیس نے کہا ہے کہ ’مذکورہ افراد کو احد المسارحہ میں گرفتار کیا گیا ہے۔‘
پولیس نے کہا ہے کہ ’احد المسارحہ پولیس نے ایک مشکوک گاڑی کو روکا تھا اور اس میں سوار افراد کی تفتیش کی تھی۔‘
’معلوم ہوا کہ گاڑی کا ڈرائیور پاکستانی ہے جبکہ اس کا ساتھی یمنی ہے، دونوں کے پاس اقامے ہیں مگر ان کے ساتھ تین خواتین سوار ہیں جو سعودی عرب کی سرحد عبور کرکے ملک میں غیر قانونی طریقے سے داخل ہوئی ہیں۔‘
پولیس نے کہا ہے کہ ’ڈرائیور اور اس کے ساتھی کو غیر قانونی تارکین کو سہولت فراہم کرنے پر 15 سال تک قید اور 10 لاکھ ریال تک جرمانہ ہوسکتا ہے۔‘

شیئر: