سعودی عرب کے نائب وزیرخارجہ انجینیئر ولید بن عبدالکریم الخریجی نے جمعرات کو برطانوی وزیر مملکت برائے امور مشرق وسطی و شمالی افریقہ جیمز کلیفرلی سے ورچول ملاقات کی۔
سعودی خبررساں ایجنسی ’ایس پی اے‘ کے مطابق انہوں نےسعودی عرب اور برطانیہ کےمابین مختلف امور میں جاری تعاون اورتمام شعبوں میں انہیں مضبوط ومستحکم بنانے کے طریقوں کا جائزہ لیاگیا۔
الخریجی اور جیمز کلیفرلی نے علاقائی و بین الاقوامی حالات حاضرہ اور دونوں دوست ملکوں کے مفادات سے تعلق رکھنے والے امور میں یکجہتی بڑھانے کی اہمیت پر بھی تبادلہ خیال کیا۔
