متحدہ عرب امارات میں کورونا وائرس کے کیسز میں تیزی سے اضافہ ریکارڈ کیاجارہا ہے۔ امارات میں گزشتہ 24 گھنٹے کے دوران 2 ہزار366 نئے کیسز کی تصدیق ہوئی۔
سعودی خبررساں ایجنسی ’ایس پی اے‘ نے اماراتی وزارت صحت کے حوالے سے مزید کہا ہے کہ نئے کورونا کیسز کی تصدیق کے بعد اب تک مجموعی کورونا کیسز کی تعداد 7 لاکھ 59 ہزار511 تک پہنچ گئی ہے۔
وزارت صحت کا مزید کہنا تھا کہ امارات میں کورونا وائرس سے گزشتہ 24 گھنٹوں کے دوران 2 افراد کے ہلاک ہونے کی تصدیق ہوئی ہے جس کے بعد اب تک اس مہلک وائرس سے ہلاک ہونے والوں کی مجموعی تعداد 2 ہزار 162ہوگئی ہے۔
کووڈ 19 سے ایک ہی دن میں 840 افراد صحتیاب ہوئے۔ امارات میں اب تک کورونا سے 7 لاکھ 44 ہزار 180 افراد شفایاب ہوچکے ہیں
