مسجد الحرام میں بارش کے دوران طواف

مسجد الحرام میں منگل اور بدھ کی درمیانی شب درمیانے درجے کی بارش ہوئی جس سے حرم مکی شریف سمیت مکہ مکرمہ اور جدہ میں بھی کہیں تیز اور کہیں کم بارش ہوئی ہے۔

سبق ویب سائٹ کے مطابق مکہ مکرمہ گورنریٹ نے ٹوئٹر پر اپنے اکاؤنٹ میں بارش کے دوران طواف کی ویڈیو شیئر کی ہے۔

وڈیوز میں دیکھا جا سکتا ہے کہ زائرین بارش کے دوران سکون و اطمینان کے ساتھ دعاوں اور عبادت میں مشغول رہے۔

مسجد الحرام کی انتظامیہ نے بارش کے لیے انتظامات پہلے ہی کر رکھے تھے۔