حوثی گولہ گرنے سے ورکشاپس اور گاڑیاں متاثر، ابہا کو نشانہ بنانے کی کوشش

ایران نواز حوثی ملیشیا نے صنعا ایئر پورٹ کو استعمال کرتے ہوئے ابہا پر دو میزائل داغے ہیں جنہیں ناکارہ بنا دیا گیا ہے جبکہ احد المسارحہ پر حوثی گولہ گرنے سے مالی نقصان ہوا ہے۔

سبق ویب سائٹ کے مطابق اتحادی افواج نے کہا ہے کہ ’واقعہ کل بدھ کو ہوا ہے‘۔

اتحادی افواج نے کہا ہے کہ ’حوثی باغیوں نے ابہا کی شہری آبادی کو نشانہ بنانے کے لیے دہشت گردانہ کارروائی کی ہے جس کی تفصیلات سے آج جمعرات کو آگاہ کیا جائے گا‘۔

اتحادی افواج نے بتایا ہے کہ ’احد المسارحہ کے صنعتی علاقے میں حوثی گولہ گرنے سے 3 ورکشاپس اور 3 گاڑیوں کو نقصان ہوا ہے‘۔

دوسری طرف جازان میں محکمہ شہری ہوا بازی کے ترجمان کرنل محمد بن یحی الغامدی نے کہا ہے کہ ’حوثی گولہ گرنے سے لگنے والی آگ پر ریکارڈ وقت میں قابو پالیا ہے‘۔