چوری ہونے والی 12 گاڑیاں مالکان کے حوالے
’چوری کی اطلاعات ملنے پر جب تفتیش کی گئی تو معلوم ہوا کہ سب میں طریقہ واردات ایک جیسا تھا‘ (فوٹو: سبق)
جدہ پولیس نے چوری ہونے والی 12 گاڑیاں ضبط کر کے اصل مالکان کے حوالے کر دیں ہیں۔
سعودی پریس ایجنسی کے مطابق گاڑیاں چوری کرنے والا شخص گرفتار ہوگیا ہے۔
مکہ مکرمہ ریجن پولیس نے کہا ہے کہ ’گرفتار شدہ شخص سعودی شہری ہے اور وہ زیر تفتیش ہے‘۔
’مذکورہ شخص نے شہر کے متعدد مقامات سے 12 گاڑیاں چوری کی ہیں‘۔
پولیس نے کہا ہے کہ ’چوری ہونے والی گاڑیوں کی اطلاعات ملنے پر جب تفتیش کی گئی تو معلوم ہوا کہ سب میں طریقہ واردات ایک جیسا تھا‘۔
’اس بنا پر چور کی شناخت کرنے میں آسانی ہوئی اور اسے فوری طور پر گرفتار کرکے گاڑیاں ضبط کی گئیں‘۔
گاڑی کو سٹارٹ چھوڑنے پر چوری اور الٹا جرمانہ بھیNode ID: 440481
گاڑی سٹارٹ چھوڑنے پر کتنا جرمانہ ہوگا؟Node ID: 453286
