بحرین میں کورونا وائرس کی نئی قسم ‘اومی کرون‘ کا پہلا کیس

بحرین میں کورونا وائرس کی نئی قسم اومی کرون کے پہلے کیس کی تشخیص ہوئی ہے۔

ریاستی نیوز ایجنسی بی این اے کے مطابق اومی کرون کا پہلا کیس سنیچر کو سامنے آیا۔

بحرین کی وزارت صحت کا کہنا ہے کہ اومی کرون سے متاثرہ شخص بیرون ملک سے وطن آیا ہے، تاہم یہ نہیں بتایا گیا کہ وہ کس ملک کا سفر کر کے آیا ہے۔

وزارت صحت کا مزید کہنا ہے کہ ضروری کارروائی کرنے کے بعد یہ بات سامنے آئی کہ متاثرہ مسافر کا کسی اور شخص کے ساتھ رابطہ نہیں ہوا۔