مسجد نبوی باب النساء سے عرب گرفتار

مدینہ منورہ....مدینہ منورہ سیکیورٹی فورس نے مسجد نبوی شریف میں خواتین کےلئے مخصوص ایک گیٹ کے سامنے نازیبا حرکتیں کرنے والے عرب شہری کو گرفتار کرلیا۔ مسجد نبوی اسپیشل فورس کے ترجمان عبداللہ البیضانی نے بتایا کہ ایک 50سالہ عرب شہری خواتین کیلئے مخصوص دروازے کے سامنے اس انداز سے چیخ و پکار کررہا تھا کہ اس پر ذہنی مریض ہونے کا شبہ ہوتا تھا۔ سیکیورٹی اہلکاروں نے پہلے اسے سمجھانے کی کوشش کی اور بالاخر اسے گرفتار کرلیا۔ اب اس کے حوالے سے ضروری کارروائی کی جارہی ہے۔