امارات میں کورونا کے 63 نئے کیسز، کوئی ہلاکت نہیں ہوئی
اتوار 21 نومبر 2021 19:59
چوبیس گھنٹے میں کورونا ویکسین کی مزید 13 ہزار409 خوراکیں دی گئی ہیں(فوٹو ٹوئٹر)
متحدہ عرب امارات میں اتوار21 نومبر کو پچھلے چوبیس گھنٹے کے دوران کورونا کے مزید 63 مریضوں کی تصدیق ہوئی ہے۔
امارات کی سرکاری خبر رساں ایجنسی وام نے وزارت صحت کے حوالے سے بتایا ’متاثرین کی تعداد بڑھ کر7 لاکھ 41 ہزار370 ہوگئی ہے‘۔
وزارت صحت کے مطابق’ ملک میں پچھلے چوبیس گھنٹے کے دوران جدید تشخیصی آلات کی مدد سے کورونا کے مزید 2 لاکھ 93 ہزار964 ٹیسٹ کیے گئے‘۔
وبا سے متاثرہ مریضوں میں سے مزید 82 مکمل صحتیاب ہوگئے، صحتیاب ہونے والوں کی تعداد بڑھ کر7 لاکھ 36 ہزار163 ہوگئی۔
بیان میں کہا گیا کہ’ پچھلے چوبیس گھنٹے کے دوران زیرعلاج مریضوں میں سے کوئی ہلاک نہیں ہوا، مرنے والوں کی تعداد دو ہزار144 ہے‘۔
علاوہ ازیں وزارت صحت کے اعلان کے مطابق ’پچھلے چوبیس گھنٹے میں کورونا ویکسین کی مزید 13 ہزار409 خوراکیں دی گئی ہیں۔ اب تک مجموعی طور پر ویکسین 2 کروڑ 17 لاکھ 5 ہزار367 خوراکیں دی جاچکی ہیں‘۔
موسمی انفلوائنزا ویکسین کے لیے وزارت صحت کی آگہی مہمNode ID: 616721
مملکت مییں کورونا کے نئے کیسز 31 رہ گئے، ایک ہلاکتNode ID: 620201
