ہسپتالوں اورطبی امور کے اداروں کے 42 چالان
تفتیشی ٹیموں نے سرکاری و نجی ہسپتالوں کے دورے بھی کیے (فوٹو، ٹوئٹر)
حائل میں ادارہ امور صحت کی تفتیشی ٹیموں نے گزشتہ ماہ کے دوران سرکاری و نجی ہسپتالوں کے علاوہ دواخانوں اور عوامی مقامات کے 675 دورے کیے جن میں امور صحت سے متعلق کی جانے والی خلاف ورزیوں کا جائزہ لیا گیا ـ
سعودی خبررساں ایجنسی ’ایس پی اے ‘ کے مطابق تفتیشی دوروں میں 42 خلاف ورزیاں ریکارڈ کی گئیں جن میں سے 25 خلاف ورزیاں امور صحت کے اداروں سے متعلق تھیں جبکہ 12 خلاف ورزیاں امور صحت سے منسلک افراد پرریکارڈ کی گئیں ـ
درج کی جانے والی خلاف ورزیوں کا چالان امور صحت کی نگران کمیٹی کو ارسال کردی گئیں جہاں ان کا جائزہ لینے کے بعد فیصلے صادر کیے جائیں گے ـ
