گھر میں گھس کر خاتون کو ہراساں کرنے پر سعودی شہری گرفتار

سعودی عرب میں مدینہ منورہ پولیس کے ترجمان نے کہا ہے کہ’ گھر میں خاتون کو ہراساں کرنے پر ایک شخص کو گرفتارکیا گیا ہے‘۔ 

سرکاری خبر رساں ایجنسی ایس پی اے کے مطابق سوشل میڈیا پر ایک وڈیو وائرل ہے جس میں مقامی شہری کو ایک گھر میں گھس کر ایک خاتون کے ساتھ چھیڑخانی کرتے دیکھا جاسکتا ہے۔  

پولیس ترجمان نے بتایا کہ وڈیو کی مدد سے شہری کو شناخت کے بعد حراست میں لیا گیا۔

ملزم کے خلاف  ابتدائی قانونی کارروائی کرکے پبلک پراسیکیوشن کے حوالے کردیا گیا۔

علاوہ ازیں عاجل ویب سائٹ کے مطابق الشرقیہ پولیس نے خواتین کے خلاف بدکلامی کرنے والے ایک سعودی شہری کو گرفتار کیا ہے۔

سعودی شہری نے پبلک مقام پر گاڑی سے گزرتے ہوئے خواتین کو دیکھ کر ان پر نازیبا فقرے کسے تھے۔

الشرقیہ پولیس کے ترجمان نے بتایا کہ مقامی شہری نے واقعہ کی وڈیو بھی سوشل میڈیا پر شیئرکی۔

سعودی شہری کو ابتدائی قانونی کارروائی کے بعد پبلک پراسیکیوشن کے حوالے کردیا گیا۔