ریاض سیزن کے وزٹر 10 لاکھ سے تجاوز کرگئے

انٹرٹینمنٹ اتھارٹی کے سربراہ ترکی آل الشیخ نے کہا ہے کہ ریاض سیزن کے آغاز سے اب تک وزٹروں کی تعداد 10 لاکھ سے تجاوز کر گئی ہے۔

سبق ویب سائٹ کے مطابق انہوں نے کہا ہے کہ ’ریاض سیزن 20 اکتوبر کو شروع ہوا تھا جبکہ اس میں مزید سرگرمیوں کا آغاز ہوگا‘۔

انہوں نے کہا ہے کہ ’ریاض سیزن کے تحت بولیورڈ یکم نومبر کو شروع ہونے جا رہا ہے جس کے بعد روزانہ وزٹروں کی تعداد میں کئی گنا اضافہ ہوجائے گا‘۔

’ریاض سیزن میں اندرون ملک سمیت خلیجی ریاستوں سے بھی لوگوں کی دلچسپی اس بات کا ثبوت ہے کہ یہ انتہائی کامیاب ہوگا‘۔