سعودی عرب میں مدینہ ایئر پورٹ پر ایجپٹ ایئر کا طیارہ منگل کو لینڈنگ کے دوران حادثے کا شکار ہوگیا، مسافر محفوظ رہے۔
عاجل ویب سائٹ کے مطابق ایجپٹ ایئر نے بیان میں کہا ہے کہ طیارہ قاہرہ انٹرنیشنل ایئرپورٹ سے مدینہ ایئرپورٹ پہنچا تھا جہاں وہ لینڈنگ کے دوران حادثے سے دوچار ہوا۔
ایجپٹ ایئر نے بیان میں کہا گیا کہ لینڈنگ کے دوران اگلے دو ٹائر پھٹ گئے تاہم صورتحال پر قابو پالیا گیا۔
طیارے پر 109 مسافر سوار تھے۔ قاہرہ سینٹرل آپریشن روم سے رابطہ کرکے صورت حال سے مطلع کیا گیا مسافروں اور طیارے کے عملے کی واپسی کے لیے خصوصی انتظام کیا گیا۔
