بہترین عربی دانی پر انڈین کو دبئی کا گولڈن اقامہ جاری

دبئی میں مقیم ایک انڈین شہری کو عربی زبان پرمکمل عبوررکھنے پر گولڈن اقامہ جاری کردیا گیاـ نسیم حمزہ احمد نامی بھارتی شہری کو اماراتی ادارہ برائے رہائشی امور کی جانب سے بہترین عربی زبان بولنے اور مثالی ترجمہ کرنے پرگولڈن اقامہ کا حقدار قرار دیا گیا ـ

امارتی اخبار کے مطابق دبئی میں ثقافتی اتھارٹی کی جانب سے نسیم حمزہ کی عربی دانی کو مثالی قرار دیا گیا ـ اتھارٹی کے مطابق نسیم حمزہ عربی زبان پر مکمل عبوررکھتے ہیں ـ

دریں اثنا بھارتی شہری نسیم حمزہ کا کہنا تھا کہ  اعزاز (گولڈن اقامہ ) سے مجھے بے حد خوشی ہے ، عربی زبان کی خدمت مزید بہتر طریقے سے کروں گا اور عربی سے نابلد افراد کو زبان سیکھانے میں اپنا بھرپور کردار ادا کرتا رہوں گاـ

نسیم نے بتایا کہ گزشتہ 2 برسوں میں 100 سے زائد افراد کو عربی زبان سیکھا چکا ہوں جبکہ یوٹیوب پر بھی مفت عربی زبان کے کورس شروع کیے ہوئے ہیں جن سے بے شمار لوگ مستفیض ہوتے ہیں ـ