گزشتہ چوبیس گھنٹوں میں ڈھائی لاکھ سے زیادہ کورونا ٹیسٹ کیے گئے- (فوٹو العربیہ)
متحدہ عرب امارات کی وزارت صحت نے کہا ہے کہ امارات میں کورونا کے نئے کیسز میں کمی ہورہی ہے -
امارات کی خبررساں ایجنسی ’وام‘ کے مطابق جمعرات کو کورونا کے 144 مریض سامنے آئے جس کے بعد کل کیسز 7 لاکھ 37 ہزار 373 ہوچکے ہیں-
جمعرات کو کورونا سے 2 اموات ہوئیں- (فوٹو وام)
وزارت صحت نے بتایا کہ کووڈ سے ہونے والی 2 اموات کے بعد کل تعداد 2 ہزار 109 ہوچکی ہے- اسی طرح گزشتہ چوبیس گھنٹوں کے دوران 221 مریض کورونا سے شفایاب ہوئے اس طرح کل صحت یاب ہونے والے افراد کی تعداد 7 لاکھ 30 ہزار 530 رہی-
امارات کی وزارت صحت نے مزید بتایا کہ گزشتہ چوبیس گھنٹوں کے دوران 2 لاکھ 64 ہزار 452 نئے کورونا ٹیسٹ کیے گئے-
وزارت صحت نے ایک اور اعلامیے میں بتایا کہ گزشتہ چوبیس گھنٹوں کے دوران مزید کورونا ویکسین کی 44 ہزار 318 خوراکیں دی گئیں- اس طرح اب تک دو کروڑ 3 لاکھ 64 ہزار 737 کورونا ویکسین دی جاچکی ہیں-
