امریکی صدر کی جانب سے شاہ سلمان کو یوم الوطنی پر مبارک باد

 خادم حرمین شریفین شاہ سلمان بن عبد العزیز کو امریکی صدر جو بائیڈن کی طرف سے مملکت کے قومی دن کے موقع پر تہنیتی پیغام موصول ہوا- 

ایس پی اے کے مطابق بائیڈن نے اپنے پیغام تہنیت میں خادم حرمین شریفین کے لیے نیک خواہشات کا اظہار کرتے ہوئے سعودی عرب اور امریکہ کے درمیان 8 عشروں پر محیط پائدار تعلقات کو سراہا-  

جوبائیڈن نے کہاکہ امریکہ اور سعودی عرب کے تعلقات مشرق وسطی میں خوشحالی اور امن و استحکام کے حوالے سے بنیاد کے پتھر کا درجہ رکھتے ہیں- 

امریکی صدر نے متعدد شعبوں میں مشترکہ جدوجہد جاری رکھنے کا بھی اشتیاق ظاہر کیا-