مسجد الحرام میں وہیل چیئر کے لیے مطاف تک خصوصی راستہ

حرمین انتظامیہ نے وہیل چیئر پر طواف کرنے والوں کے لیے خصوصی راستہ کھول دیا ہے۔

سبق ویب سائٹ کے مطابق کنگ عبد العزیز دروازے سے معذور اور معمر افراد براہ راست مطاف کی زمینی منزل تک پہنچ سکتے ہیں۔

انتظامیہ نے کہا ہے کہ ’وہیل چیئر پر حرم آنے والے زائرین کی سہولت کے لیے پرانے حرم سے سیدھا مطاف تک خصوصی راستہ ہے‘۔

حرمین انتظامیہ نے کہا ہے کہ ’اس سے قبل مسجد الحرام کے تمام حصوں تک زائرین کی آسان رسائی کا انتظام کیا گیا ہے‘۔

’زائرین حرم کے علاوہ انتظامیہ کے افراد اور صفائی کارکن ایک حصے سے دوسرے تک آسانی سے پہنچ سکتے ہیں‘۔

انتظامیہ نے کہا ہے کہ ’سربراہ شیخ ڈاکٹر عبد الرحمن السدیس کی نگرانی میں زائرین حرم کی سہولت کے لیے ہر ممکن کوشش جاری ہے‘۔