سعودی عرب کا او آئی سی کے لیے 20 ملین ریال کا عطیہ

 سعودی عرب نے کورونا وائرس کے اثرات سے نمٹنے کے لیے او آئی سی کو 20 ملین ریال کا عطیہ کیا ہے۔

سبق ویب سائٹ کے مطابق او آئی سی کے جنرل سکریٹری ڈاکٹر یوسف بن احمد العثیمین نے کہا ہے کہ ’اسلامی ممالک میں کورونا کے انسداد کے لیے سعودی عرب کی طرف سے عطیہ موصول ہوا ہے‘۔

انہوں نے کہا ہے کہ ’سعودی عرب وبا کے انسداد اور مابعد اثرات سے نمٹنے کے لیے اپنی بین الاقوامی کوششیں جاری رکھے ہوئے ہے‘۔

’سعودی عرب کی طرف سے موصول ہونے والا عطیہ کنگ سلمان سینٹر برائے انسانی امداد کے سپرد کر دیا جائے گا‘۔

’اس رقم میں سے ایک حصے سے کورونا ویکسین خریدی جائے گی جو مستحق ممالک کو فراہم ہوگی‘۔