Sorry, you need to enable JavaScript to visit this website.
منگل ، 10 جون ، 2025 | Tuesday , June   10, 2025
منگل ، 10 جون ، 2025 | Tuesday , June   10, 2025

قدیم مصری حج شاہراہ اور بحر احمر کا موتی ’ضبا‘ شہر

ضبا بندرگاہ عالمی معیشت سے جوڑنے میں پل کا کام دیتی ہے- (فوٹو العربیہ) 
تبوک میں ٹورسٹ گائیڈ عبداللہ زعیر کا کہنا ہے کہ ضبا سعودی عرب کا ساحلی شہر ہے- یہ قدیم مصری حج شاہراہ کا اہم پڑاؤ مانا جاتا رہا ہے- 
العربیہ نیٹ کے مطابق ’ضبا‘ شمالی سعودی عرب کا شہر ہے- یہ اپنے چمکدار ساحلوں کے حوالے سے مشہور ہے-  تجارتی جہازوں اور ماہی گیروں کی کشتیوں کے لیے محفوظ بندرگاہ مانا جاتا ہے- اسے ’بحر احمر کا موتی‘ کہتے ہیں- یہاں متعدد تاریخی مقامات ہیں- 
عبداللہ زعیر نے ضبا کا تفصیلی تعارف کراتے ہوئے  کہا کہ  یہ تبوک ریجن کے کنارے واقع ہے- یہ قدیم مصری حج شاہراہ کا اہم سٹیشن ہوا کرتا تھا- 

اس علاقے کو تجارتی اور ماہی گیری کے حوالے سے محفوظ بندرگاہ مانا جاتا ہے- (فوٹو العربیہ)

زعیر نے بتایا کہ ضبا کے تاریخی مقامات میں کنگ عبدالعزیز کا قلعہ قابل ذکر ہے- جسے مملکت سعودی عرب کی داغ بیل ڈالتے وقت شاہ عبدالعزیز کے زمانے میں تعمیر کیا گیا تھا- 
زعیر نے بتایا کہ ضبا شہر 1352ھ مطابق 1933 میں بسایا گیا تھا- اس کا پرانا علاقہ مشہور ہے- کہہ سکتے ہیں کہ یہ کمشنری کی پہلی بستی تھی- یہ دوسو برس سے کہیں زیادہ پرانی ہے- جسے خلیج ضبا کے  ساحل پر بسایا گیا تھا- 
زعیر نے بتایا کہ یہاں المویلح تاریخی قلعہ بھی دیکھنے سے تعلق رکھتا ہے- یہ ساحلی حج شاہراہ کا اہم پڑاؤ ہوتا تھا- اسے آخری اسلامی دور میں شمالی گیٹ کے نام سے بھی جانا جاتا تھا- 

ضبا چمکدار ساحلوں کے حوالے سے مشہور ہے- (فوٹو العربیہ)

زعیر نے ضبا بندرگاہ کی تاریخ پر روشنی ڈالتے ہوئے کہا کہ یہ بندرگاہ 13 ویں صدی ھجری میں آباد ہوئی- یہاں چھوٹے سے پلیٹ فارم پر حاجیوں کے قافلے اترا کرتے تھے- پلیٹ فارم لکڑی کا بنا ہوا تھا جسے ’الدھو‘ کہا جاتا تھا- یہاں لکڑی سے تیار کردہ کشتیاں آتی تھیں- 
جہاں تک سعودی عہد میں ضبا بندرگاہ کا تعلق ہے تو اس کا افتتاح 1415ھ مطابق 1994 میں ہوا تھا- ضبا بندرگاہ سعودی عرب کے شمال مغربی علاقے کو عالمی معیشت سے جوڑنے میں پل کا کام دیتی رہی ہے- 
زعیر نے بتایا کہ  ضبا بندرگاہ جغرافیائی محل وقوع کے حوالے سے اہم ہے- یہاں شمالی سعودی عرب، جی سی سی ممالک اور عراق پہنچایا جانے والا سامان آتا ہے- یہ بحراحمر کے شمالی ساحل کے آخر میں واقع ہے-
 
واٹس ایپ پر سعودی عرب کی خبروں کے لیے اردو نیوز گروپ جوائن کریں

شیئر: