مسجد نبوی میں سینیٹائزنگ کے جدید آلات کی تنصیب

حرمین شریفین انتظامیہ نے مسجد نبوی میں سیٹیٹائزنگ کے لیے 220 جدید آلات کی تنصیب کی ہے۔

سعودی پریس ایجنسی کے مطابق مسجد نبوی کے اندر مختلف حصوں میں بیرونی صحنوں میں بھی متعدد آلات لگائے گئے ہیں۔

زائرین کی سلامتی اور وبا کے انسداد کے لیے مسجد نبوی میں حفاظتی تدابیر اور ایس او پیز پر سختی سے عمل جاری ہے۔

انتظامیہ نے کہا ہے کہ ’سینیٹائزنگ کے جدید آلات قدیم حرم، داخلہ دروازوں پر، خواتین کے حصے میں اور وضو خانوں میں لگائے گئے ہیں۔‘