مسجد الحرام کے زائرین اور نمازیوں میں بارہ ہزار چھتریاں تقسیم

سعودی عرب میں مقدس مساجد کی انتظامیہ نے اس سال خاص سکیم ’آپ کی چھتری آپ کے ہاتھوں میں‘ کے عنوان سے مسجد الحرام کے زائرین، نمازیوں اور اہلکاروں میں بارہ ہزار چھتریاں تقسیم کی ہیں۔

مقدس مساجد کی انتظامیہ یہ سکیم  حج موسم کے حوالے سے چلا رہی ہے۔

سرکاری خبر رساں ایجنسی ایس پی اے کے مطابق انتظامیہ کے ماتحت سماجی خدمات کے ادارے کے انچارج جنادی بن علی مدخلی نے کہا کہ ’مقدس مساجد کی انتظامیہ عازمین حج ، نمازیوں،مسجد الحرام کے زائرین اور اہلکاروں کو دھوپ اور کورونا وبا سے بچانے کے لیے متعدد اقدامات کررہی ہے‘۔

انہوں نے کہا کہ ’آپ کی چھتری آپ کے  ہاتھوں میں‘ ان سکیموں میں سے ایک ہے۔

جنادی بن علی مدخلی کا کہنا ہے کہ مقدس مساجد کی انتظامیہ چاہتی ہے کہ ’زائرین اور حج کے عازمین نیز اس کے اہلکار اور کامیابی میں شریک اداروں کے کارکان صحت و سلامتی کے ساتھ رہیں‘۔