مسجد نبوی میں ذو الحجہ کے پہلے عشرے میں افطار کا انتظام

مسجد نبوی کی انتظامیہ نے ذو الحجہ کے ابتدائی 10 دنوں کے دوران میں زائرین کے لیے روزہ افطار کا انتظام کیا ہے۔

سبق ویب سائٹ کے مطابق مسجد نبوی انتظامیہ کو روزہ افطار کرانے میں شہر میں رضا کار اداروں کا تعاون حاصل ہے۔

انتظامیہ کی جانب سے روزانہ کھانے کے 13 ہزار پیکٹ پیش کیے جا رہے ہیں۔ یہ بکس دہی، پانی، کھجور، مدینے کی خصوصی روٹی اور خوشبو دار ٹشو پر مشتمل ہوتا ہے۔

اس کے علاوہ روزانہ آب زمزم کے 50 ہزار پیکٹ بھی تقسیم کیے جاتے ہیں۔