جدہ میں حرمین ٹرین کا سلیمانیہ سٹیشن آج سے کھول دیا جائے گا

جدہ میں حرمین ریلوے کا سلیمانیہ سٹیشن آج منگل کو کھول دیا جائے گا۔ وزیر ٹرانسپورٹ صالح الجاسر نے ہدایت جاری کر دی ہے۔

سعودی پریس ایجنسی کے مطابق وزیر ٹرانسپورٹ صالح الجاسر نے اپنے ٹوئٹر اکاؤنٹ پر کہا ہے کہ ’مجھے انتہائی خوشی ہے کہ سلیمانیہ سٹیشن مکمل طور پر تیار ہوگیا ہے‘۔

’سٹیشن میں حرمین ریلوے کا سفر آج منگل سے شروع ہوگا جہاں مسافروں کو طرح کی سہولتیں فراہم کی جائیں گی‘۔

دوسری طرف سعودی عرب، ہسپانوی ریلوے کمپنی منصوبے نے بھی اپنے طور پر سلیمانیہ سٹیشن کھولنے کا اعلان کیا ہے۔

کمپنی نے کہا ہے کہ ’سلیمانیہ سٹیشن کے ذریعہ سفر کے خواہشمند ویب سائٹ یا ایپلیکیشن یا پھر ٹول فری نمبر کے ذریعہ بکنگ کراسکتے ہیں‘۔