نمائش دیکھنے والوں کی تعداد ہزاروں میں تھی(فوٹو، ٹوئٹر)
نور الریاض جشن نے 2 روشن فن پاروں کوگنیز بک آف ورلڈ ریکارڈ میں شامل کرلیا گیاہے- ’المنارۃ‘ اور ’متحرک ستارہ‘ کے عنوان سے دونوں فن پارے نور الریاض جشن کے پہلے سالانہ پروگرام میں شامل کیے گئے-
سعودی خبررساں ایجنسی ’ایس پی اے ‘کے مطابق ’المنارۃ‘ فن پارہ 272.160 ایل ای ڈی بلب پرمشتمل تھا- اس نے سعودی دارالحکومت ریاض کو چکاچوند کردیا تھا- یہ فن پارہ کیرولینا ہالاتک کی تخلیق تھا-
فن پاروں کو ’المنار اورمتحرک ستارے کا نام دیا گیا تھا(فوٹو،الریاض)
کنگ عبدالعزیز ہسٹوریکل سینٹر کے شائقین نےاس پر غیرمعمولی پسندیدگی کا اظہار کیا تھا- جشن 18 مارچ سے 3 اپریل 2021 تک جاری رہا -
دوسرا فن پارہ ’متحرک ستارہ‘ کے نام سے پیش کیا گیا- جسے گنیز بک آف ورلڈ ریکارڈ میں جگہ ملی- یہ دنیا بھر میں معلق مزین چمکدار ترین ستارے کی حیثیت سے ریکارڈ پر آیا-
نورالریاض جشن 18 مارچ سے 3 اپریل تک جاری رہا(فوٹو، ٹوئٹر)
اس میں 1.2 ملین بلب استعمال کیے گئے- یہ کنگڈم ٹاور پر 256 میٹر کی اونچائی پر معلق تھا- اس کی تخلیق کا سہرا آرٹسٹ کوٹ ورمولین کو جاتا ہے-
نور الریاض جشن کا اختتام ’نور علی نور‘ (روشنی پر روشنی) نامی نمائش پر ہوا- نمائش کنگ عبداللہ مالیاتی مرکز (کے اے ایف ڈی) میں ہوا- اس میں منتخب سعودی اور بین الاقوامی فن کاروں کی تخلیقات پیش کی گئیں-
فن پاروں میں بارہ لاکھ سے زائد ایل ای ڈیز استعمال کی گئیں(فوٹو، ٹوئٹر)
جشن دیکھنے کے لیے تین لاکھ سے زیادہ شائقین آئے- نور علی نور نمائش دیکھنے والوں کی تعداد بارہ ہزار سے زیادہ ریکارڈ کی گئی- تقریبا 93 فیصد شائقین نے فن پاروں اور تخلیقات پر پسندیدگی کا اظہار کیا-
