کئی علاقوں میں بارش اور ساحلی شہروں میں تیز ہوائیں چلنے کا امکان

سعودی محکمہ موسمیات کے قومی مرکزکا کہنا ہے کہ اتوار کو مملکت کے بعض علاقوں میں بارش جبکہ ساحلی شہروں میں تیز ہوائیں چلنے کا امکان ہے۔ 

موسمیات کے قومی مرکز کی جانب سے جاری رپورٹ میں مزید کہا گیا کہ نجران ، جازان، عسیر، الباحہ اور مکہ مکرمہ ریجن کے بعض پہاڑی علاقوں میں موسم آبر آلود رہنے کا امکان ہے جبکہ کہیں کہیں بارش کی بھی توقع ہے۔ 

محکمہ موسمیات کا کہنا ہے کہ ساحلی علاقوں کے علاوہ مکہ مکرمہ اور مدینہ منورہ میں تیز ہوا کےساتھ ساتھ گرد وغبار بھی چھایا رہے گا جبکہ مملکت کے مشرقی اور وسطی علاقوں خاص کرنجران میں گردوغبار کے طوفان کی وجہ سے حد نگاہ متاثر ہونے کا امکان ہے جس کے سبب شاہراہوں پرسفرکرنے والوں کو خصوصی احتیاطی تدابیر اختیار کی جانی چاہئے۔ 

اتوار کو سب سے زیادہ درجہ حرارت مکہ مکرمہ میں ہوگا جہاں پارہ 45 ڈگری تک پہنچے گا جبکہ کم سے کم درجہ حرارت 15 ڈگری  السودہ کے علاقے میں ہوگا۔